2024: Kouhupan Pongusinan

⧫ Collaboration of the Open ⧫

Portal

Walai

Panganjul

Program

Pomodopitaran

Kapamanahan

Tours and Side Events
Sikulasip
Visa

Speaker resources

Designs

Trust & Safety

Other

Results announced

Sikulasip Wikimania 2024

Toinsanan nopo di minangapalai nga noonuan no kopoilaan kokomoi asil pangapalayan diolo. Intangan o e-mel om folder Spam dokoyu.

Kawo do Sikulasip

Sikulasip nopo nga kouhupan tahakon montok sosongulun moi kaanu yolo tumindapou id Wikimania 2024 miampai mituka. Odimpot iti maya kopotoundaan do dana maya Yayasan Wikimedia.

• Sikulasip poimponu nopo nga popotounda do kotuludan, sakayon, tionon, insurans pongusapan di kirontob, taakanon om yuran dumopitar.
• Sikulasip sampapas nopo nga popotounda do tionon, taakanon om yuran dumopitar.

Toinsanan nopo di kaanu biasiswa nga onuan do taakanon dangadau om dongotuong maso pra-persidangan, tadau persidangan om ababayan kolimpupuson id kinoyonon. Taakanon kosuabon nopo nga id hotel di ionon.

Aiso o sikulasip maya talian di tahakon kumaa mamampayat id suang talian. Aiso o sikulasip poimbida di tahakon kumaa afiliate i manu papaanjul do ababayan mionit do Wikiamania pointongkop do pomogunan.(Sinapad kumaa Garan Sokodung Poimbida. Intangai nogi boogian Kotonggungan kousinan do Ababayan mionit Affiliate).

Who can apply

Isai no milo mangapalai? Miagal di timpu nakatalib, alapon o isai-isai nopo i kaanu popointalang do sakadai toi ko' ababayan id suang Wikimedia. Poomitanan nopo nga miagal id siriba: Kaampayatan aktif (suai mantad do koomungan sabaagi puru om kopoindalanan tonggungan sabaagi puru) id suang piipiro bontuk tinimungan toi ko' organisasi Wikimedia (komitikuasa, longkod, hab, organisasi tematik toi ko' tinimungan momoguno) Kaampayatan id suang ababayan di pinaanjul do Wikimedia (poomitanan nopo nga maganu gambar i kaanu manahak kouhupan kumaa Wiki Loves Monuments, mamampayat do bengkel) Kaampayatan id suang ababayan Wikimedia (poomitanan nopo nga tambalut miilang GLAM toi ko' ababayan do pondidikan) Kotoinaan do ababayan toi ko' pialaan do Wikimedia (poomitanan, WLM, edit-a-thon) Nosiliu mongungumolig, CheckUser, puru VRT, monoina antara muka, monoina toi ko' mongigit do hak pongoputan di suai (dinondo toi ko' i nakatalib) Nokotorimo do garan Yayasan Wikimedia Sakadai montok kod MediaWiki, pamansayan gajet toi ko' kakamot suai montok projek-projek Wikimedia Iti nopo nga poomitanan no. Ongoi id boogian Pason di osorisid, basao' sogu-sogu id suang nuludan, om pomusarahai no poingkuro ko monimbar poguhatan dii tumanud "woyo' nu". [WAGU] Staff om kontraktor affiliate, om mongongobi longkod om tinimungan persidangan sompomogunan Kakitangan Affiliate om kontraktor: Haro o tinimungan biasiswa di poinsuai I pointounda montok kakitangan di kigaji sekutu koguraan Wikimedia. Maan onuai gred o pangapalayan dilo miampai misuai-suai om miala-ala kumaa tiso om tiso om ii nopo pangapalayan sukarelawan nga miala-ala miampai sukarelawan suai. Sabaagi pomoruhang kumaa tinimungan biasiswa umum, monikid tinimungan Wikimedia hab om/toi ko' persidangan serantau ii nakaanjul id timpu diti (sokiro au korikot o hab) kaanu do 1-3 kinoyonon montok mongongobi diolo id Wikimania. Gama do korotian do hab haro mantad komuniti diolo, milo gunoon montok popoingkawas do kopogisuusuaian id suang do mamampayat om mangalap sukarelawan mantad komuniti di amu haro mongongobi montok mangalap kakitangan kigaji, tulun abaak toi ko' puru jawatankuasa papapanau. Rumomut do hab om tinimungan ababayan serantau kokomoi do ahal diti soira oilaan o koootuson biasiswa. Nung haro poguhatan, ongoi id boogian "Isai no milo mangapalai" id FAQ. Poguhatan potilombus, ongoi id Contact / Help / Haro poguhatan ku i au nosimbar id bolikan diti.

Advice for filling out the application form

Pason pogulu monuang do foom mangapalai Pamalahawan poingukab montok do "A road to Wikimania 2024" Papaharo o Tinimungan Tertib Impohon do pamalahawan poingukab montok toinsanan i kirahi id suang do Wikimania. Pohoroon o pitimbungakan ontok timpu di mogisuusuai poingompus tadau montok popouhan do zon timpu di mogisuusuai:  Done Tadtaru, Milau 30, 2023 – 17:00 UTC  Done Tadtaru, Momuhau 7, 2023 – 13:00 UTC  Done Kurudu, Momuhau 15, 2023 – 09:00 UTC Click here to join · dial by your location Poilangon dahai o koinwoguan poimbida kokomoi Wikimania 2024, monguhup miampai sikulasip om monimbar ponguhatan suai. Ampayat om ponguhot dahai kokomoi ababayan, sikulasip, logistik toi ko' laang do humompit id suang Wikimania. Pason di osorisid Monuang do burang pangapalayan maganu timpu kiikiro 45–60 minit. Amu no dokoyu milo simbanan o pangapalayan soira kaatod. Milo kou nopo do monimban pogulu kapaatadan sokiro amu dokoyu pinugas o cookies. Piintong-intong soira momonsoi draf om suaton no kopio toinsanan i minog do suaton. Kada ponginduo papaatod do pangapalayan. Milo kou mangapalai id suang boros suai ko Boros Inggeris. Nung milo, momoguno daa do Boros Inggeris tu ii no boros di kabaalan ngaawi do puru Tinimungan Kalaja Sikulasip. Suai ko ii, pomusarahan no do nuru kou daa kikabaalan poinggonop id Boros Inggeris montok kapamanahan om sukarelawan id ababayan dii. Miampai kolinuudan, mokianu yahai kointalangan di otulid kokomoi sakadai sosongulun montok goos id tinimungan. Amu yahai monorimo kodimpoton di aiso o kointalangan toi ko' au okito katapatan sabaagi kodimpoton sosongulun nung kopiipio nopo daa nga ii nopo om goos tinimungan. Potonggoyo o pautan id Diff, liwang wiki, toi ko' post media sosial i papasaga dahai mongintong kulom yokoyu kopio minomonsoi nunu i nookunan dokoyu do yokoyu o sanganu. Poguhatan om sogu rumomut montok do sisimbar dii Poguhatan Tip Kapamanahan om butiran romuton Id boogian diti, potunudon no sisimbar nu. Poguhatan potilombus kokomoi passport nu pokionuon nung kosiliu ko mononorimo di nakalantoi. Demografik statistik Mokianu yahai koilaan diti montok tudu statistik, montok papatantu do kopogisusuayan nopo do pangapalayan nga okito id suang kapanahakan do sikulasip. Poruputon o data diti maya no kolektif. Poguhatan panahangan Poguhatan id siriba nopo nga poguhatan di asaru do tahangon id panahangan pangapalayan. Orohian yahai mambasa pomusarahan di osonong miampai pautan ponokodung. Nung haro songulun monguhot dia, "Nunu o Wikimedia?" nunu o tisuli nu? Siilo daa yahai poingkuro kou nokohompit miampai puru id labus i mionit do Wikimedia. Nokuro tu oponsol o misi Wikimedia montok pomogunan? Poingkuro ii do berfungsi? Nokuro tu nuru daa yolo do manahak kopodulianan? Unsubon o sisimbar id iso o pangaan. Maan sokodungo o sukuon montoj kalaja dokoyu sondii miampai pautan nung milo. Nunu korotian dokoyu id "Collaboration of the Open" montok do Wikimania 2024? Nuru o kreativiti om panahangan di osonong soira monimbar ponguhatan diti miampai pomusarahan o sunduan di pinatahak: poingkuro o tema kopihuyud miampai sakadai kumaa Wikimedia? Poingkuro kalaja ku koponguhup popoimbulai ekosistem poingukab di lobi agayo? Osonong do iso nopo pangaan montok monimbar ponguhatan diti. Sokodungon o nunu nopo sukuon montok kalaja dokoyu sondii miampai pautan nung milo. Sunudai yahai kokomoi kaampayatan kawawagu dokoyu id suang wiki kinoyonon toi ko' guraan Wikimedia miampai lobi pointongkop. Nunu i nowonsoi toi ko titoluod dokoyu montok popoingkawas wiki toi ko' komuniti dokoyu? Nokohompit kou nangku momuruan toi ko' monoina hombo-hombo ababayan dii? Hombo tiso ababayan di bobos oponsol monto dokoyu sondii, miampai au mongintong asil? Patayado ababayan di naantakan id suang timpu 12 tulan nakatalib. Montok poguhatan diti, boogian tagayo do manahang kaampayatan om abaabayan id solinaid 12 wulan dipogulu, dadi onuai tarad dokoyu poimbida id linaid dii. Nung nuru, milo kou nogi popoilo abaababayn poilombus miampai sajara om kaampayatan id suan dii. Sisimbar nopo nga duo gisom 3 pangaan nopo nga lobi sonong. Onuai sukuon kumaa asil kalaju dokoyu miampai pautan ii kohompit. Koubasanan nopo om poingkuro kou popoilang do koinganan dokoyu (toi ko nunu i noilaan dokoyu) miampai komuniti? Poingkuro kou do popoilang do nunu i nopinsingilaan dokoyu id Wikimania 2024? Poomitanan kointigasan id suang wiki, ruputan, nuut blog, carama pirubaan om suusuai po nopo nga unsubon do hiti. Potonggoyon no o pautan montok poomitanan. Id sisimbar, gatangon dahai o palan di konkrit om sah kokomoi piilangan koinganan Wikimania kalapas do Wikimania 2024. Iso sanarai poin miampai kointalangan/konteks nopo nga iso format di osonong montok tisuli diti. Kriteria montok di potilombus au otorimo = Pokionuon nopo nga' au kalantoi Fasa 1 sokiro nunu-nunu kriteria au kalantoi: Nakaanu do sikulasip ontok toun 2019 nga au minomongo ruputan pascaporsidangan'. Nakaanu do sikulasip ontok do toun 2023 nga au nokopongo do timbabaon di tinahak ontok do Wikimania. Ii minangapalai nopo nga' nokotorimo dondo toi ko' timpu nakatalib mantad nonggo-nonggo program Tinahak do WMF om noilaan do au tumanud. I minangapalai nopo nga maamaso do noblok sompomogunan mantad do Yayasan Wikimedia toi ko' komuniti. Pangapalayan nopo nga aiso suang. Pangapalayan nopo nga kisuang do tonsi ii aiso kikomoi do topik toi ko au osonong. Minokianu nopo nga' 'au nakalantoi tu aiso goos di okito mantad do poninimbar id foom' tapalai. I minangapalai nopo nga au nakaanu popokito do sakadai toi ko' abaabayan di oponsol kumaa Wikimedia ii adadi sabaagi do merit id kopogonuan do sikulasip. Tinumungan Manarampas Teras nopo nga maamaso do misokodung miampai do Yayasan Wikimedia id suang piipiro kiis, longkod Wikimedia toi ko affiliate montok manantu sanarai tohuri do do sikular. Kiwaa hak dahai do papalabus soosngulun nung kiwaa ahal kowoowoyoo diolo i au apatut id suang toi ko' labus wiki. Poomitanan, kohompit no yolo ii nakasanarai id suang sanarai global om abaabayan, id siriba ilagon mantad Universal Code of Conduct (UCoC) toi ko' ointutunan sabaagi COT sabaagi nakalanggar do kooturan. Pokionuan di aiso kriteria au nakalantoi kaanu tumilombus id fasa 2 montok panahangan potilombus.

❧

FAQ

Hombo om soira o Wikimania 2024?

Wikimania 2024 nopo nga aantakan do 7-10 Magus 2024 id Katowice, Poland.

Isai no milo mangapalai?

Ponguhupan kousinan nopo diti nga' montok no di kumoinsan nogi mampayat Wikimania?

Onuan dahai panatalan o pangapalayan mantad diolo i bonos do katanud kriteria montok manahak sakadai kumaa koinganan Wikimanis. Pomusarahan dahai poingkuro o sikulasip diti popoingkawas do sakadai di minangapalai montok misi alapas ababayan.

Okon oku ko soboogian mantad affiliate. Poingkuro oku mangapalai do kouhupan kousinan diti?

Kaanu sosongulun do mangapalai miampai au intangan o status ko'omungan sabaagi surupu do affiliate.

Yoho nopo nga puru staff do Wikimedia Foundation. Milo oku nangku do mangapalai?

• Okon sabaagi do kukumalaja. Tinimungan Manarampas Teras nopo nga au manahak sikulasip kumaa kukumalaja Yayasan Wikimedia. Kotindapahan kukumalaja Yayasan Wikimedia, Komitikuasa Guraan Wikimedia, om Puru Lembaga Pengarah Yayasan Wikimedia nopo nga tonggungon do Yayasan Wikimedia.
• Sokira do kukumalaja di nabalayan magaanu kootusan do mokianu sikulasip, alansan yahai do popointalang yolo kokomoi di nagampot diolo moi do kaanu do mongkoordinasi kukumalaja om i winonsoi ontok do sukarilawan. Onuai kotolinahasan id boogiaan di nuru.

Yoho nopo nga puru tinimungan kumalaja sikulasip. Milo oku mangapalai?

Hoo'. Panahang sikulasip sukarilawan nopo nga milo monorimo do sikulasip. Montok mongilag konflik kapansalan, kopokionuan diolo nopo nga intangan do iso tinimungan mantad do puru Tinimungan Manarampas Teras om panahang sikulasip Wikimania di pogulu po.

Sokiro au ku kotindapou id Singapura, poingkuro oku tumanud?

Haro o pipilion montok mampayat maya id suang talian tu haro o roromu ababayan hibrid montok ababayan diti.

Milo ko momili do papaanjul pesta mogintong, ababayan watas miampai aktiviti, toi ko' momonsoi ababayan id posorili kaampayatan id program Wikimania. Sundung do au yahai mambarai do ababayan satelit Wikimania mantad dana garan Wikimania ontok toun diti, dana montok pirubaan milo pokionuon maya proses kapanahakan ponguupan kousinan.

Nunu o rontob do kousinan?

Aiso ginumu dolar toi ko' gatang. Kiwaa o pomilian di osulimbang id proses do toinsanan watas.

Nunu o proses?

Gisom soira o tapalai sikulasip Wikimania 2024 diti do oukab om aawi?

Fasa Mangapalai nopo nga oukaban mantad do 15 Milau gisom do 18 Momuhau Nombo nopo id Pomogunan. Pitanga tuong id Kepulauan Howland om Baker, om 12:00 UTC montok do tadau potilombus. Intangai timpu ii koontok montok zon timpu dokoyu.

Milo oku papaatod pangapalaian montok ponguhupan kousinan katalib timpu kapaatadan?

Amu. Iti mooi do koutuson tohuri nopo nga posoliwanon tumanud timpu om adil kumaa oinsanan di minangapalai. Poposogu yahai dokoyu do papaatod pangapalaian piipiro tadau pogulu do tadauwulan kapaatadan tohuri montok mongilag do amu kapangapalai.

Nunu o proses montok do sikulasiap Wikimania?

Maya umum, mangaga yahai do aliran kalaja montok koutuson kotohuri nopo nga' tumanud laang id siriba;

1. Songulun papaatod foom' pangapalayan maya do LimeSurvey
2. Tinimungan kumalaja sikulasip mogintong do kalayakan (fasa 1 nopo nga otolinahas id sawat)
3. Tinimungan kumalaja sikulasip ii manahang do tapalai om momonsoi kootusan (fasa 2 otolinahas id sawat)
4. Sosongulun nopo di nga poiloon kokomoi kootusan om uhoton moi kaanu o Yayasan Wikimedia do mongulud sakayon om tionon
5. Buuk Yayasan Wikimedia nopo nga mongosah sakayon om tionon.

Nunu adadi kopongo do kapaatadan fasa pangapalaian

Soira o kapaatadan di do intaan?

Intangan o kapatadan tapalai sikulasip mantad di tinimungan kumalaja sikulasip.

Poingkuro o sikulasip di do intaan om patahakon?

Mongunsub yahai dokoyu do manahak sisimbar i kosudong om pautan i kikomoi id LimeSurvey. Kopongo toinsanan do pogintangan di nakalantoi om notimung o data, tinimungan kalaja sikulasip nopo nga mogiampayat manantu isai ii nakaanu do sikulasip.

Soira oku kaanu do tisuli kokomoi do tapalai Sikulasip Individu?

Tawaran nopo diti nga mimpuun polobuson ontok pintangaan koduo wulan Mansak. Toinsanan ii minangapalai nopo nga poiloon kokomoi kootusan diolo miampai tosikap. Maganu kanto iti do timpu do piipiro minggu gama kaantakan do toiso-iso tulun i kiwaa do kaantaban do monorimo. Ii nopo minangapalai di suai nopo nga sukuon kumaa do puru bersekutu diolo sokiro momili id pomilian dii.

Poingkuro i minangapalai do sikulasip do poiloon kokomoi kootuson?

Momoguno yahai do alamat e-mel do ginuno id pangapalayan diti montok popoilo di minangapalai. Toinsanan minangapalai nopo nga' romuton, miampai amu mongintob do koutuson. Mongusub yahai dokoyu momoguno alamat e-mel di aktif toi ko' manahak akaun ngaran momoguno aktif id burang pangapalaian.

Nokotorimo oku / au oku nokotorimo do sikulasip, om...

Nunu i minog do haro montok poporuput?

Mantad do papalapur, mokianu nogi yahai do minangapalai montok monokodung miampai sumiliu sukarelawan id ababayan diti. Misokodung yahai miampai diya montok mogihum tonggungan sukarelawan di kosudong miampai kominagan, kabaalan om koinganan nu. Milo ko nogi monuat lapuran!

Milo oku manahak do sikulasip diti kumaa tulun suai?

Amu. Montok manahak kopogiagalan, biasiswa dii nopo nga' nointangan tumanud koponguludan merit pointantu. Sokiro monorimo nopo nga' mongosah montok mangada, tahakon dahai kumaa tulun potilombus tumanud ponguludan pongintangan.

Nung au ku torimoon sikulasip montok toun diti, milo do gunoon ku montok Wikimania toun dumontol?

Amu. Tikid toun patatapon o Wikimania id siriba tema di misuai miampai pertimbangan do tikid COT id kinoyonon pointantu. Mongunsub yahai dokoyu montok mangapalai kawagu montok toun sumusuhut, nga maan dahai intangai o sumbangan kigatang pointilombus nu id suang proses simakan dahai.

Nung au oku kaanu do sikulasip, milo oku do mokianu di tinimungan sikulasip montok mogintong kawagu do tapalai ku?

Au. Prosedur ulasan dahai popohompit piipiro laang di osorisid, miampai do panasalan tu insann no ii milo powonsoyon.

Nakapangapalai oku do sikulasip nga au nakaanu. Nunu di o powonsoyon ku dondo?

Au ming do maganu kouhupan kousinan montok tumindapou id Wikimania; tu milo kou nogi dumopitar montok tumindapou sokiro kaanu mambarai kos sondii.

Sokiro nopo au kou kaanu mananggung kos sondii, mongunsub yahai dokoyu do rumomut miampai affiliate id kinoyonon dokoyu. Kaanu kanto yolo popoindalan ababayan sikulasip diolo sondii toi ko' papaharo ababayan kinoyonon!

Rumomut / Kouhupan / Haro ponguhatan ku di au nosimbar id liwang diti

• Intangai Ukabai pamalahawan A road to Wikimania 2024.
• Milo ko nogi monuat mesej emel kumaa wikimaniawikimedia.org.
• Ponguhupan dahai kohompit no do:
  • Popotolinahas do poguhatan kokomoi kapaatadan
  • Milo om amu milo powonsoyon montok kapaatadan pokionuon
  • Isu maamaso kapaatadan pokionuon
  • Laang potilombus kalapas kapaatadan
  • Poingkuro sikoro amu oku kaanu ponguhupan kousinan
• Sokiro milo, mokianu yahai do kada panahak dahai poguhatan id media sosial - momoguno yahai profil id Facebook, Twitter om suai-suai po montok popoilo kasari dokoyu, nga' amu yahai insaru mogintong do mesej di sumuang.

❧

Kouhupan kousinan montok ababayan i mionit do affiliate

(I nopo di toun, lohowon iti sabaagi ababayan Satelitet)

Puru piomungan Wikimedia milo momoguno dana di naanu mantad Yayasan Wikimedia Dana Ponokodung Umum montok popoindalan ababayan kipionitan do Wikimania miampai id pogun, hali pia ababayan dii id kotimpuunon amu pinotonggoi id sogu GSF diolo. Ponorimo garan GSF kiharo komiloon do popoundaliu dana tumanud bajet diolo tumanud do kominagan, om, tumanud do pibatasan Dana Ponokodung Am, minokianu o Yayasan do Pagawai Program poposunud sokiro varians di kolobi do 20% mantad sogu mantad.

Mongunsub yahai toinsanan puru tinimungan di kirahi montok papaanjul ababayan di kipionitan do Wikimania montok papasanarai butiran ababayan diolo id subbolikan ababayan puru tinimungan kipionitan, moi do puru tinimungan milo monyolaras diolo, mongunsub pisokodungan om piromutan id toinsanan Wikimedia om mompromosi ababayan diolo miampai lobi osonong.

• Affiliate nopo di manu poposolimbou miampai mitilombus id suang Wikimania nga nuru daa rumomut do tinimungan kalaja ababayan id wikimaniawikimedia.org do osisikap soira haro no o kointalangan do ababayan diolo.
• Popotounda o Tinimungan Tertib Impohon do sokodung teknikal montok tinimungan di manu poposolimbou miampai mitilombus id suang do Wikimania.
• Pomoguno do liwang pibarasan montok mitimbungak kokomoi diti idea.

❧

References